ಮಾನವೀಯತೆ ಮೆರೆದ ಪೊಲೀಸರು

ಬೆಂಗಳೂರು : ಲಾಕ್ ಡೌನ್ ಸಂದರ್ಭದಲ್ಲಿ ಪೊಲೀಸರು ಅನಗತ್ಯವಾಗಿ ಸಂಚರಿಸುವವರಿಗೆ ಲಾಠಿ ರುಚಿ ತೋರಿಸೋ ಮೂಲಕ, ಬ್ರೇಕ್ ಹಾಕಿದ್ದೂ ನೋಡಿದ್ದೀರಿ. ಆದ್ರೇ ಲಾಕ್ ಡೌನ್ ಸಂದರ್ಭದಲ್ಲಿ ಬಸ್ ನಿಲ್ದಾಣ, ಜೋಪಡಿಗಳಲ್ಲಿ ಆಶ್ರಯಿಸಿರುವಂತ ಅನೇಕ ಬಡ ಜನರು ಕೆಲಸವೂ ಇಲ್ಲದೇ ಊಟವೂ ಇಲ್ಲದೇ ಹಸಿವಿನಿಂದ ನರಳುತ್ತಿದ್ದವರಿಗೆ ಪೊಲೀಸ್ ಜೀವಗಳು ಮಿಡಿದಿವೆ. ಇಂತಹವರಿಗೆ ಊಟ ಹಂಚುವ ಮೂಲಕ, ಮಾನವೀಯತೆಯನ್ನು ಬೆಂಗಳೂರಿನ ಜ್ಞಾನಭಾರತಿ ಪೊಲೀಸ್ ಠಾಣೆಯ ಸಿಬ್ಬಂದಿಗಳು ಮೆರೆದಿದ್ದಾರೆ.

ಈ ಕುರಿತಂತೆ ಟ್ವಿಟ್ ನಲ್ಲಿ ಮಾಹಿತಿ ಹಂಚಿಕೊಂಡಿರುವಂತ ಬೆಂಗಳೂರು ವೆಸ್ಟ್ ಡಿಸಿಪಿ ಡಾ.ಸಂಜೀವ್ ಎಂ ಪಾಟೀಲ್ ಅವರು, ಜ್ಞಾನಭಾರತಿ ಠಾಣೆ ಪಿಐ ಲಕ್ಷ್ಮಣ ನಾಯಕ್ ಮತ್ತು ತಂಡದಿಂದ ಮಲ್ಲತ್ತಹಳ್ಳಿಯ ಕಾರ್ಮಿಕ ಕುಟುಂಬದವರಿಗೆ ಊಟದ ವ್ಯವಸ್ಥೆ ಮಾಡಲಾಯಿತು ಎಂದು ತಮ್ಮ ಸಿಬ್ಬಂದಿಗಳ ಕಾರ್ಯಕ್ಕೆ ಶ್ಲಾಘನೆ ವ್ಯಕ್ತ ಪಡಿಸಿದ್ದಾರೆ.

NEWS DESK

TIMES OF BENGALURU